Водич за одржлива ориентација низ полиците на dm
Пазарот за одржливи производи постојано расте – а со него и бројот на ознаки и сертификати. Но, како да се задржи прегледноста во овaa „џунгла“ од симболи и сертификациски ознаки? Кои ознаки се навистина значајни и гарантираат дека еден производ ги исполнува еколошките стандарди? Сè повеќе потрошувачи си го поставуваат токму ова прашање. За да одговори на овие предизвици, dm drogerie markt уште во 2017 година разви решение: зелените етикети.
Подобрување на корисничките потреби
Купувачите во dm сè повеќе сакаат да купуваат на еколошки освестен начин. Заедно со реномирани институции и невладини организации, создадовме водич за одржлива ориентација директно на полиците, што им помага на купувачите да донесат брзи и информирани одлуки со што помал еколошки отпечаток. Зелените етикети означуваат дека производите исполнуваат одредени еколошки стандарди. Додека во физичките продавници зелените етикети служат како визуелна помош при одлучување, онлајн продавниците на dm нудат филтер за производи кој ја олеснува потрагата по поодржливи алтернативи.Построги критериуми од 2022 година
Против „greenwashing“ (лажна одржливост): Бидејќи во последниве години на пазарот се појавија сè повеќе етикети за одржливост, dm во 2022 година направи дополнителен чекор: критериумите за доделување на зелената етикета беа дополнително заострени. Сите ознаки беа подложени на темелен процес на проверка за да се обезбеди дека навистина ги исполнуваат високите барања за одржливост. Како основа за оваа евалуација се користеше проверка на ознаките за квалитет на GLOBAL 2000. Овој процес ги оценува најчестите ознаки врз основа на критериуми како што се: еколошка компатибилност, социјални аспекти, благосостојба на животните, и кредибилитет (на пример, вклученост на надворешни експерти или текот на контролите).„Еколошки свесното купување треба да биде практично. Во dm, потрошувачот може да биде сигурен дека производите кои се обележани како одржливи – навистина и се такви.“
Harald Bauer (Харалд Бауер) претседател на Управниот одбор на dm
17 веродостојни ознаки – една зелена етикета
Моментално, повеќе од 2.600 производи во dm групацијата на Австрија, со исклучок на С. Македонија носат зелена етикета. На овие производи им се доделени 17 веродостојни печати и сертификациски ознаки, внимателно избрани преку соработка со водечки еколошки организации и „Етикета Компас“ на иницијативата bewusstkaufen.at – иницијатива на Сојузното министерство за климатски акции (BMK).Овие печати претставуваат потврда на одржливоста и на потрошувачите им обезбедуваат проценка дали нивниот избор на производ може да придонесе за поеколошки свесно купување.