dm ги идентификува клучните теми за одржливост
Одржливоста – или „способноста за иднината“, како што ја нарекуваме во dm – е составен дел од корпоративната стратегија на dm drogerie markt. Во деловната година 2023/24, претходно изработената анализа на материјалноста (суштинските аспекти) од страна на dm Германија беше ревидирана – во согласност со новите барања на Европските стандарди за извештаи за одржливост (ESRS), и за првпат со вклучување на сите 14 земји членки во Групацијата dm. Притоа, фокусот е јасно ставен на таканаречената двојна материјалност. Но, што точно значи тоа – и кои теми се од особено значење за dm?
Што е анализа на материјалноста
Анализата на материјалноста (суштинските аспекти) им помага на компаниите да ги идентификуваат релевантните теми поврзани со одржливоста – односно темите што се навистина суштински, и за самата компанија и за животната средина и општеството. Оваа анализа претставува основа за транспарентна, структурирана и ефективна стратегија за одржливост.Едноставна vs. Двојна: Разликата во пристапите кон материјалност
Едноставна материјалност:Се разгледува само перспективата „одвнатре-нанадвор“ – односно влијанијата што една компанија ги има врз животната средина и општеството преку своето деловно работење. Оваа перспектива долго време беше стандард во известувањето за одржливост.
Двојна материјалност:
Проширениот пристап дополнително ја вклучува и перспективата „однатре кон надвор - однадвор кон внатре“. Тоа значи дека dm анализира и како еколошките, социјалните и економските промени влијаат врз самата компанија – на пример, преку климатски ризици, регулаторни промени или општествени трансформации.
Двојната материјалност е основна компонента на ESRS и ќе биде задолжителна за многу компании во ЕУ во иднина.
Како dm ја спроведува анализата на двојната материјалност
За ажурираната анализа на материјалноста за деловната година 2023/24, dm презеде обемни чекори:
Сеопфатен пристап:Освен сопственото деловно подрачје, беа анализирани и претходните и последователните делови од синџирот на вредност.
Квантитативна проценка:
Влијанијата, ризиците и можностите беа оценети според скала од 1 до 5 – според обемот, веројатноста на појава, досегот и можноста за повратна промена.
Вклучување на сите делови од компанијата:
Директно беа вклучени вработени од сите земји во кои е присутен dm, како и одделот за интегритет и управување со ризици.
Потврда од засегнатите страни:
Резултатите од анкетата спроведена во деловната година 2021/22 беа повторно разгледани и земени предвид.
Усогласување со ревизорите:
Конечната потврда беше дадена по презентацијата на резултатите пред управниот одбор во летото 2024 година.
Суштинските теми во dm
Врз основа на анализата на двојната материјалност беа идентификувани и повторно групирани клучните теми за Групацијата dm. Некои теми останаа непроменети, додека други беа додадени поради новите регулаторни барања. Овие теми кореспондираат со генераторот на идната одржливост и се ориентирани според тематските ESRS-стандарди. Тие претставуваат основа за стратегиите, целите и мерките во рамките на нашата економска заедница.JСекоја тема е поткрепена со подстратегии и мерливи цели. Во годишниот процес на поставување цели и планирање, управниот одбор ги проверува постигнувањата и, доколку е потребно, врши прилагодувања.
- Корпоративна филозофија
- Купувачи
- Клима и енергија
- Заштита на ресурсите и циркуларна економија
- Биодиверзитет
- Водени ресурси
- Минимално влијание врз животната средина
- Динамична деловна заедница
- Вработени во синџирите на вредности
- Општествено одговорно делување